ਆਇਰਨਮੈਨ ਤੋਂ ਬਾਅਦ ਅਲਟ੍ਰਾਮੈਨ ਅਤੇ ਹੁਣ ਦੁਨੀਆ ਦਾ ਸਭ ਤੋਂ ਔਖਾ ਸਾਇਕਲਿੰਗ ਮੁਕਾਬਲਾ ‘ਰੇਸ ਅਕ੍ਰਾਸ ਵੈਸਟ ਅਮਰੀਕਾ’ (Race Across West America – RAW) ਸ਼ਾਨਦਾਰ ਤਰੀਕੇ ਨਾਲ ਪੂਰਾ ਕਰਨ ਵਾਲੇ ਭਾਰਤੀ ਪੁਲਿਸ ਸੇਵਾਵਾਂ ਦੇ ਸੀਨੀਅਰ ਅਧਿਕਾਰੀ ਕ੍ਰਿਸ਼ਣ ਪ੍ਰਕਾਸ਼ ਨੇ ਮੁੜ ਇੱਕ ਹੋਰ ਰਿਕਾਰਡ ਬਣਾ ਦਿੱਤਾ ਹੈ। ਮਹਾਰਾਸ਼ਟਰ ਪੁਲਿਸ ਵਿੱਚ ਆਈ.ਜੀ. (ਪ੍ਰਸ਼ਾਸਨ) ਦੇ ਅਹੁਦੇ ‘ਤੇ ਤੈਨਾਤ ਕ੍ਰਿਸ਼ਣ ਪ੍ਰਕਾਸ਼ ਨਾ ਸਿਰਫ ਖਾਕੀਵਰਦੀ ਪਾਉਣ ਵਾਲੇ ਭਾਰਤ ਦੇ ਸਾਰੇ ਪੁਲਿਸ ਅਦਾਰਿਆਂ ਲਈ ਫ਼ਖਰ ਦਾ ਸਬੱਬ ਬਣੇ ਹਨ ਸਗੋਂ ਹਰ ਭਾਰਤੀ ਨੂੰ ਉਨ੍ਹਾਂ ਦੀ ਕਾਮਯਾਬੀ ਉੱਤੇ ਨਾਜ਼ ਹੋਵੇਗਾ।
ਮਹਾਰਾਸ਼ਟਰ ਦੇ ਆਈ.ਪੀ.ਐੱਸ. ਅਧਿਕਾਰੀ ਕ੍ਰਿਸ਼ਣ ਪ੍ਰਕਾਸ਼ ਨੇ ‘ਰੇਸ ਅਕਰਾਸ ਵੈਸਟ ਅਮਰੀਕਾ’ ਮੁਕਾਬਲਾ ਸਿਰਫ 88 ਘੰਟੇ ਵਿੱਚ ਪੂਰਾ ਕੀਤਾ ਅਤੇ ਇਸ ਦੌਰਾਨ 1500 ਕਿਲੋਮੀਟਰ ਸਾਇਕਲਿੰਗ ਕੀਤੀ। ਅਜਿਹਾ ਕਰਨ ਵਾਲੇ ਕ੍ਰਿਸ਼ਣ ਪ੍ਰਕਾਸ਼ ਪਹਿਲੇ ਭਾਰਤੀ ਬਣ ਗਏ ਨੇ। ਇਹ ਗੱਲ ਵੱਖ ਹੈ ਕਿ ਇਸ ਮੁਕਾਬਲੇ ਵਿੱਚ ਉਹ ਪਹਿਲੇ ਤਿੰਨ ਸਾਇਕਲਿਸਟਾਂ ਵਿੱਚ ਨਹੀਂ ਸਨ ਪਰ ਦੁਨੀਆ ਦੀ ਸਭ ਤੋਂ ਮੁਸ਼ਕਿਲ ਅਲਟ੍ਰਾ ਸਾਇਕਲਿੰਗ ਰੇਸ (ultra cycling race) ਵਿੱਚ 18 ਤੋਂ 49 ਸਾਲ ਵਾਲੇ ਮਰਦਾਂ ਦੀ ਏਕਲ ਸ਼੍ਰੇਣੀ ਵਿੱਚ ਉਨ੍ਹਾਂ ਚੌਥਾ ਸਥਾਨ ਜ਼ਰੂਰ ਹਾਸਿਲ ਕੀਤਾ। ਆਪਣੀ ਇਸ ਉਪਲਬਧੀ ਨੂੰ ਅਸ਼ੀਰਵਾਦ ਵੱਜੋਂ ਸਵੀਕਾਰ ਕਰਦੇ ਹੋਏ ਆਈ.ਪੀ.ਐੱਸ. ਅਧਿਕਾਰੀ ਕ੍ਰਿਸ਼ਣ ਪ੍ਰਕਾਸ਼ ਨੇ 21 ਜੂਨ ਦੀ ਰਾਤ ਟਵੀਟ ਕੀਤਾ.
ਆਪਣੀਆਂ ਕਾਮਯਾਬੀਆਂ ਦਾ ਸਿਹਰਾ ਆਈ.ਪੀ.ਐੱਸ ਅਧਿਕਾਰੀ ਕ੍ਰਿਸ਼ਣ ਪ੍ਰਕਾਸ਼ ਮਾਂ, ਪਤਨੀ ਅਤੇ ਧੀ ਦੇ ਸਿਰ ਬੰਨ੍ਹਦੇ ਨੇ। ਉਨ੍ਹਾਂ ਨੇ ਆਪਣੇ ਇੱਕ ਟਵੀਟ ਵਿੱਚ ਇਸਦਾ ਜ਼ਿਕਰ ਵੀ ਕੀਤਾ ਅਤੇ ਲਿਖਿਆ, ’ਔਰਤਾਂ ਦੇ ਸਹਿਯੋਗ ਦੇ ਬਿਨਾਂ ਕਿਸੇ ਨੇ ਇਸ ਦੁਨੀਆ ਵਿੱਚ ਚਮਤਕਾਰ ਨਹੀਂ ਕੀਤਾ’. 13 ਜਨਵਰੀ ਨੂੰ ਪੋਸਟ ਕੀਤੇ ਇਸ ਟਵੀਟ ਵਿੱਚ ਆਈ.ਪੀ.ਐੱਸ. ਕ੍ਰਿਸ਼ਣ ਪ੍ਰਕਾਸ਼ ਨੇ ਪਤਨੀ ਸੰਜਨਾ ਨੂੰ ਸੰਬੋਧਿਤ ਇੱਕ ਚਿੱਠੀ ਦੀ ਤਸਵੀਰ ਵੀ ਅਟੈਚ ਕੀਤੀ ਹੈ ਜਿਸ ਵਿੱਚ ਉਨ੍ਹਾਂ ਨੇ ਕਿਹਾ ਹੈ ਕਿ ਲੋਕ ਅਕਸਰ ਅਜਿਹਾ ਸੋਚਦੇ ਹਨ ਕਿ ਮੈਂ ਆਪਣੇ ਸੰਕਲਪ ਅਤੇ ਸ਼ਕਤੀ ਦੇ ਦਮ ‘ਤੇ ਨਾਮੁਮਕਿਨ ਕਾਮਾਬੀਆਂ ਹਾਸਿਲ ਕਰ ਸਕਿਆ ਪਰ ਇਹ ਪਤਨੀ ਅਤੇ ਦੋਸਤ ਵੱਜੋਂ ਤੁਹਾਡੇ ਹਮੇਸ਼ਾ ਸਹਿਯੋਗ ਦੀ ਵਜ੍ਹਾ ਕਰਕੇ ਸੰਭਵ ਹੋ ਸਕਿਆ ।
ਆਈ.ਪੀ.ਐੱਸ. ਅਧਿਕਾਰੀ ਕ੍ਰਿਸ਼ਣ ਪ੍ਰਕਾਸ਼ ਅਜਿਹੇ ਪਹਿਲੇ ਸਰਕਾਰੀ ਅਧਿਕਾਰੀ ਜਾਂ ਵਰਦੀਧਾਰੀ ਸੰਗਠਨ ਦੇ ਅਧਿਕਾਰੀ ਨੇ ਜਿਨ੍ਹਾ ਨੇ ਆਇਰਨ ਮੈਨ ਅਤੇ ਪਿਛਲੇ ਸਾਲ ਅਲਟ੍ਰਾਮੈਨ ਮੁਕਾਬਲਾ ਪੂਰਾ ਕੀਤਾ ।
15 ਅਗਸਤ 1969 ਨੂੰ ਜੰਮੇ ਕ੍ਰਿਸ਼ਣ ਪ੍ਰਕਾਸ਼ ਨੇ ਆਸਟ੍ਰੇਲੀਆ ਦੇ ਸਨਸ਼ਾਈਨ ਕੋਸਟ ਦੇ ਨੂਸਾ ਟਰਾਇਥਲਾਨ ਮੁਕਾਬਲੇ ਵਿੱਚ ਹਿੱਸਾ ਲਿਆ ਸੀ ਜੋ ਦੁਨੀਆ ਦੇ ਸਭ ਤੋਂ ਔਖੇ ਮੁਕਾਬਲਿਆਂ ਵਿੱਚੋਂ ਇੱਕ ਹੈ। ਸਭ ਤੋਂ ਪਹਿਲਾਂ ਪ੍ਰਸ਼ਾਂਤ ਸਾਗਰ ਵਿੱਚ 10 ਕਿਲੋਮੀਟਰ ਤੈਰਨਾ, ਇਸਦੇ ਬਾਅਦ 421 . 1 ਕਿਲੋਮੀਟਰ ਸਾਇਕਲ ਚਲਾਉਣਾ ਉਹ ਵੀ ਪਹਾੜੀ ਇਲਾਕੇ ਵਿੱਚ ਅਤੇ ਇਸਦੇ ਬਾਅਦ 84 . 3 ਕਿਲੋਮੀਟਰ ਦੀ ਦੌੜ ! ! ! ਅਤੇ ਇਹ ਸਭ ਸਿਰਫ ਤਿੰਨ ਦਿਨ ਦੇ ਅੰਦਰ ਅਤੇ ਜਿਸ ਵਿੱਚ ਸ਼ਰਤ ਇਹ ਕਿ ਹਰ ਈਵੈਂਟ 12 ਘੰਟੇ ਵਿੱਚ ਪੂਰਾ ਕਰਣਾ।
ਇਸ ਤੋਂ ਪਹਿਲਾਂ ਕ੍ਰਿਸ਼ਣ ਪ੍ਰਕਾਸ਼ ਉਦੋਂ ਸੁਰਖ਼ੀਆਂ ਵਿੱਚ ਆਏ ਸਨ ਜਦੋਂ ਉਨ੍ਹਾਂ ਨੇ ਉਹੀ ਆਇਰਨਮੈਨ ਟਰਾਇਥਲਾਨ ਦਾ ਖਿਤਾਬ ਜਿੱਤਿਆ ਜਿਨੂੰ 2015 ਵਿੱਚ 50 ਸਾਲ ਦੀ ਉਮਰ ਵਿੱਚ ਹਾਸਿਲ ਕਰਕੇ ਮਾਡਲ ਐਕਟਰ ਮਿਲਿੰਦ ਸੋਮਨ ਨੇ ਵੀ ਮਸ਼ਹੂਰੀ ਖੱਟੀ ਸੀ। ਉਹ 2015 ਵਿੱਚ ਜਿਊਰਿਖ ਵਿੱਚ ਪ੍ਰਬੰਧਤ ਹੋਇਆ ਸੀ ਜਦੋਂ ਕਿ ਕ੍ਰਿਸ਼ਣ ਪ੍ਰਕਾਸ਼ ਨੇ ਸਿਤੰਬਰ 2017 ਵਿੱਚ ਫ਼੍ਰਾਂਸ ਵਿੱਚ ਇਹ ਖਿਤਾਬ ਹਾਸਿਲ ਕੀਤਾ ਅਤੇ ਉਹ ਵੀ ਮਿਲਿੰਦ ਸੋਮਨ ਦੇ ਮੁਕਾਬਲੇ ਅੱਧੇ ਸਮਾਂ ਵਿੱਚ ਪੂਰਾ ਕਰਕੇ । ਬੇਹੱਦ ਮਾਨਸਿਕ ਅਤੇ ਸਰੀਰਕ ਤੌਰ ‘ਤੇ ਸ਼ਕਤੀਸ਼ਾਲੀ ਇਨਸਾਨ ਹੀ ਵੱਖ ਵੱਖ ਹਿੱਸਿਆਂ ਵਿੱਚ ਵੰਡੀ ਇਹ 140 ਮੀਲ ਦੀ ਰੇਸ ਇੱਕ ਦਿਨ ਵਿੱਚ ਪੂਰੀ ਕਰ ਸਕਦਾ ਹੈ।
ਇਸ ਮੁਕਾਬਲੇ ਵਿੱਚ ਪਹਿਲਾਂ 3.86 ਕਿਲੋਮੀਟਰ ਤੈਰਨਾ ( ਸਮੁੰਦਰ , ਝੀਲ ਜਾਂ ਨਦੀ ਵਿੱਚ) ਸੀ, ਫਿਰ 180 ਕਿਲੋਮੀਟਰ ਸਾਇਕਲਿੰਗ ਅਤੇ 42 ਕਿਲੋਮੀਟਰ ਦੌੜਨਾ। ਇਹ ਸਭ ਉਨ੍ਹਾਂ ਨੇ 14 ਘੰਟੇ 8 ਮਿੰਟ ਵਿੱਚ ਕੀਤਾ ਸੀ । ਇਸ ਰੇਸ ਨੂੰ ਪੂਰਾ ਕਰਣ ਵਾਲੇ ਕੌਸ਼ਿਕ ਮੁਖਰਜੀ ਅਤੇ ਵਿਨੀਤਾ ਸਿੰਘ ਪਹਿਲੀ ਭਾਰਤੀ ਜੋੜੀ ਨੇ
ਇਨ੍ਹੇ ਔਖੇ ਮੁਕਾਬਲਿਆਂ ਲਈ ਆਪਣੇ ਆਪ ਤਿਆਰੀ ਕਰਨ ਵਾਲੇ ਅਧਿਕਾਰੀ ਕ੍ਰਿਸ਼ਣ ਪ੍ਰਕਾਸ਼ ਦਾ ਮੰਨਣਾ ਹੈ ਕਿ ਸਭ ਤੋਂ ਪਹਿਲਾਂ ਤਾਂ ਇਹ ਸਮਝਣਾ ਹੈ ਕਿ ਜੇਕਰ ਪੱਕਾ ਇਰਾਦਾ ਕਰ ਲਿਆ ਤਾਂ ਇਨਸਾਨ ਲਈ ਨਾਮੁਮਕਿਨ ਕੁੱਝ ਵੀ ਨਹੀਂ ਹੈ । ਇਸ ਤਰ੍ਹਾਂ ਦੇ ਮੁਕਾਬਲਿਆਂ ਵਿੱਚ ਸ਼ਾਮਿਲ ਹੋਣ ਅਤੇ ਆਪਣੀ ਸਰੀਰਕ ਸਮਰੱਥਾ ਦਾ ਪਤਾ ਲਗਾਕੇ ਵਧਾਉਣ ਦਾ ਵਿਚਾਰ ਕ੍ਰਿਸ਼ਣ ਪ੍ਰਕਾਸ਼ ਨੂੰ ਉਦੋਂ ਆਇਆ ਜਦੋਂ ਉਨ੍ਹਾਂ ਨੂੰ ਮੁੰਬਈ ਵਿੱਚ ਸਟੈਂਡਰਡ ਚਾਰਟਰਡ ਮੈਰਾਥਨ ( Standard Chartered Marathon) ਲਈ ਪੁਲਿਸ ਬੰਦੋਬਸਤ ਕਰਨ ਦਾ ਜ਼ਿੰਮਾ ਦਿੱਤਾ ਗਿਆ ਸੀ। ਉਨ੍ਹਾਂ ਨੇ ਪਹਿਲਾਂ ਤਾਂ ਦੌੜ ਵਿੱਚ ਹਿੱਸਾ ਲਿਆ ਅਤੇ ਫਿਰ ਪੁਲਿਸ ਦੀ ਸੁਪਰਵਿਜ਼ਨ ਵਾਲਾ ਕੰਮ ਵੀ ਨਿਪਟਾਇਆ .
