ਕੇਂਦਰੀ ਰਿਜ਼ਰਵ ਪੁਲਿਸ ਫੋਰਸ (ਸੀਆਰਪੀਐੱਫ- CRPF) ਦੇ ਡਾਇਰੈਕਟਰ ਜਨਰਲ ਡਾ: ਏਪੀ ਮਹੇਸ਼ਵਰੀ ਸਣੇ ਉਨ੍ਹਾਂ ਸਾਰੇ ਅਧਿਕਾਰੀਆਂ ਦੀ ਕੋਰੋਨਾ ਵਾਇਰਸ (COVID-19) ਦੀ ਟੈਸਟ ਰਿਪੋਰਟ ਨੈਗੇਟਿਵ ਆਈ ਹੈ, ਪਰ ਇਸ ਵਾਇਰਸ ਦੇ ਪ੍ਰੋਟੋਕੋਲ ਦੇ ਅਨੁਸਾਰ ਇਸ ਸੰਦਰਭ ਵਿੱਚ ਤੈਅ ਨੇਮਾਂ ਦੇ ਅਨੁਸਾਰ ਉਹ 7 ਅਪ੍ਰੈਲ ਤੱਕ ਏਕਾਂਤਵਾਸ ਵਿੱਚ ਰਹੇ। ਇਸ ਸਬੰਧ ਵਿੱਚ ਸੀਆਰਪੀਐੱਫ ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਫੋਰਸ ਦੇ ਦਿਸ਼ਾ-ਨਿਰਦੇਸ਼ਾਂ ਦੀ ਪਾਲਣਾ ਕਰਦਿਆਂ ਫੌਜੀਆਂ ਅਤੇ ਅਧਿਕਾਰੀ ਭਾਰਤੀਆਂ ਦੀ ਸੁਰੱਖਿਆ ਅਤੇ ਸੇਵਾਵਾਂ ਲਈ ਵਚਨਬੱਧ ਹਨ।
ਅਸਲ ਵਿੱਚ 2 ਅਪ੍ਰੈਲ ਨੂੰ ਸੀਆਰਪੀਐੱਫ ਦੇ ਡਾਕਟਰ (ਚੀਫ਼ ਮੈਡੀਕਲ ਅਫਸਰ-ਸੀਐੱਮਓ) ਕੋਰੋਨਾ ਵਾਇਰਸ ਟੈਸਟ ਦੀ ਜਾਂਚ ਰਿਪੋਰਟ ਸਕਾਰਾਤਮਕ ਆਈ ਸੀ ਅਤੇ ਉਨ੍ਹਾਂ ਨੂੰ ਝੱਜਰ, ਹਰਿਆਣਾ ਦੇ ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਜ਼ (ਏਮਜ਼) ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਸੀਆਰਪੀਐੱਫ ਦੇ ਅਧਿਕਾਰੀਆਂ ਅਤੇ ਮੁਲਾਜ਼ਮਾਂ ਦੇ ਕੋਰੋਨਾ ਵਾਇਰਸ (ਕੋਵਿਡ-19) ਦੀ ਜਾਂਚ ਰਿਪੋਰਟ ਜੋ ਉਨ੍ਹਾਂ ਡਾਕਟਰਾਂ ਦੇ ਸਿੱਧੇ ਸੰਪਰਕ ਵਿੱਚ ਆਏ ਸਨ, ਨੈਗੇਟਿਵ ਆਈ ਹੈ।
ਸੀਆਰਪੀਐੱਫ ਦੇ ਅਧਿਕਾਰਤ ਬਿਆਨ ਦੇ ਅਨੁਸਾਰ ਛੱਤੀਸਗੜ੍ਹ ਦੇ ਦੌਰਾ ‘ਤੇ ਗਏ ਸੀਆਰਪੀਐੱਫ ਦੇ ਡਾਇਰੈਕਟਰ ਜਨਰਲ ਡਾ. ਡਾ: ਏਪੀ ਮਹੇਸ਼ਵਰੀ ਸਮੇਤ ਕਈ ਅਧਿਕਾਰੀ ਅਤੇ ਮੁਲਾਜ਼ਮਾਂ ਦੇ ਸੰਪਰਕ ਵਿੱਚ ਆਏ ਸਾਰੇ ਲੋਕਾਂ ਦੀ ਜਾਣਕਾਰੀ ਲੈ ਕੇ ਉਸ ‘ਤੇ ਕੰਮ ਕੀਤਾ ਗਿਆ ਸੀ। ਹਾਲਾਂਕਿ ਸਾਰੇ ਲੋਕ ਤੰਦਰੁਸਤ ਹਨ ਪਰ ਸਰਕਾਰ ਅਤੇ ਵਿਸ਼ਵ ਸਿਹਤ ਸੰਗਠਨ (ਡਬਲਿਊਐੱਚਓ) ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਉਹ 7 ਅਪ੍ਰੈਲ ਤੱਕ ਸਵੈ-ਕੁਆਰੰਟੀਨ ਦੀ ਮਿਆਦ ਦਾ ਪਾਲਣ ਕਰ ਰਹੇ ਸਨ। ਸਿਰਫ਼ ਐਨਾ ਹੀ ਨਹੀਂ, ਇਸ ਦੌਰਾਨ ਸਾਰੇ ਉਪਲਬਧ ਸੰਚਾਰ ਸਰੋਤਾਂ ਰਾਹੀਂ ਉਹ ਦਫਤਰ ਨਾਲ ਸੰਪਰਕ ਬਣਾਉਂਦੇ ਹੋਏ ਡਿਊਟੀ ਵੀ ਕਰ ਰਹੇ ਹਨ।
