ਭਾਰਤ-ਚੀਨ ਸਰਹੱਦ ਦੇ ਨਾਲ ਸੁਰੱਖਿਆ ਵਿੱਚ ਤਾਇਨਾਤ ਇੰਡੋ-ਤਿੱਬਤ ਬਾਰਡਰ ਪੁਲਿਸ (ਆਈਟੀਬੀਪੀ) ਵੀ ਕੋਰੋਨਾ ਵਾਇਰਸ (ਕੋਵਿਡ-19) ਦੇ ਵਿਰੁੱਧ ਜੰਗ ਵਿੱਚ ਸਭ ਤੋਂ ਅੱਗੇ ਆ ਗਈ ਹੈ। ਆਈਟੀਬੀਪੀ ਨੇ ਮੈਡੀਕਲ ਸੇਵਾ ਨਾਲ ਜੁੜੇ ਆਪਣੇ ਮੁਲਾਜ਼ਮਾਂ ਲਈ ਚੰਗੀ ਕੁਆਲਿਟੀ ਦਾ ਨਿੱਜੀ ਸੁਰੱਖਿਆ ਉਪਕਰਣ ਭਾਵ ਪਰਸਨਲ ਪ੍ਰੋਟੈਕਸ਼ਨ ਈਕਿਊਪਮੈਂਟ (ਪੀਪੀਪੀ) ਅਤੇ ਮਾਸਕ ਤਿਆਰ ਕੀਤੇ ਹਨ। ਐਨਾ ਹੀ ਨਹੀਂ, ਉਨ੍ਹਾਂ ਦੀ ਕੀਮਤ ਬਾਜ਼ਾਰ ਵਿੱਚ ਉਪਲਬਧ ਪੀਪੀਈ ਨਾਲੋਂ ਬਹੁਤ ਘੱਟ ਦੱਸੀ ਜਾਂਦੀ ਹੈ।
ਆਈਟੀਬੀਪੀ ਵਿੱਚ ਲਗਭਗ 400 ਡਾਕਟਰ ਅਤੇ ਕਰੀਬ 2000 ਪੈਰਾ ਮੈਡੀਕਲ ਸਟਾਫ ਹੈ। ਇਸ ਵੇਲੇ ਆਈਟੀਬੀਪੀ ਨੇ ਆਪਣੇ ਕੁਆਰੰਟਾਈਨ ਸੈਂਟਰ ਅਤੇ ਹਸਪਤਾਲਾਂ ਵਿੱਚ ਇਸ ਚੀਜ਼ ਦੀ ਸਪਲਾਈ ਲਈ ਕੰਮ ਸ਼ੁਰੂ ਕੀਤਾ ਹੈ। ਇਸ ਜ਼ਰੂਰਤ ਦੇ ਪੂਰਾ ਹੋਣ ਤੋਂ ਬਾਅਦ, ਇਹ ਹੋਰ ਲੋਕਾਂ ਨੂੰ ਵੀ ਸਪਲਾਈ ਕੀਤੀ ਜਾਏਗੀ।
ਆਈਟੀਬੀਪੀ ਦੇ ਬੁਲਾਰੇ ਵਿਵੇਕ ਪਾਂਡੇ ਨੇ ਕਿਹਾ ਕਿ ਆਈਟੀਬੀਪੀ ਅਧਿਕਾਰੀ ਅਤੇ ਜਵਾਨ ਲੋਕਾਂ ਵਿੱਚ ਰਾਸ਼ਨ ਵੰਡਣ ਅਤੇ ਸਮਾਜਿਕ ਦੂਰੀਆਂ ਪ੍ਰਤੀ ਜਾਗਰੂਕ ਕਰਨ ਦੀ ਦਿਸ਼ਾ ਵਿੱਚ ਸ਼ੁਰੂ ਹੋ ਹੀ ਡਟੇ ਹੋਏ ਹਨ। ਹੁਣ, ਇਸ ਸਬੰਧ ਵਿੱਚ ਆਈਟੀਬੀਪੀ ਦੀ ਐੱਸਐੱਸਬੀ ਬਟਾਲੀਅਨ ਨੇ ਆਪਣੇ ਫੇਬ੍ਰਿਕੇਸ਼ਨ ਕੇਂਦਰ ਵਿੱਚ ਨਿੱਜੀ ਸੁਰੱਖਿਆ ਉਪਕਰਣਾਂ ਅਤੇ ਮਾਸਕ ਬਣਾਉਣੇ ਸ਼ੁਰੂ ਕੀਤੇ ਹਨ। ਹੁਣ ਤੱਕ ਇਸ ਯੂਨਿਟ ਵਿੱਚ ਲਗਭਗ 1000 ਪੀਪੀਈ ਅਤੇ 2000 ਮਾਸਕ ਤਿਆਰ ਕੀਤੇ ਗਏ ਹਨ, ਜਿਨ੍ਹਾਂ ਦੀ ਵਿਸ਼ੇਸ਼ਤਾ ਗੁਣਵੱਤਾ ਦੇ ਅਧਾਰ ਤੇ ਆਪਣੇ ਨਿਰਧਾਰਤ ਮਾਪਦੰਡਾਂ ‘ਤੇ ਖਰਾ ਉਤਰਨਾ ਹੈ।
ਆਈਟੀਬੀਪੀ ਨੇ ਉਨ੍ਹਾਂ ਨੂੰ ਤਿਆਰ ਕਰਨ ਤੋਂ ਪਹਿਲਾਂ ਐੱਨਆਈਟੀਆਰਏ ਅਤੇ ਆਲ ਇੰਡੀਆ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਜ਼ (ਏਆਈਆਈਐੱਮਐੱਸ-ਏਮਜ਼) ਦੇ ਤਕਨੀਕੀ ਮਾਹਰਾਂ ਸਾਹਮਣੇ ਉਪਰਕਣਾਂ ਦਾ ਟ੍ਰਾਇਲ ਕੀਤਾ ਗਿਆ ਸੀ। ਇਨ੍ਹਾਂ ਅਦਾਰਿਆਂ ਤੋਂ ਪ੍ਰਵਾਨਗੀ ਮਿਲਣ ਤੋਂ ਬਾਅਦ ਇਹ ਸੰਵੇਦਨਸ਼ੀਲ ਅਤੇ ਜ਼ਰੂਰੀ ਚੀਜ਼ਾਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ।
