ਦੱਖਣੀ ਨੌਸੇਨਾ ਕਮਾਨ ਦਾ ਫਲੈਗ ਆਫਿਸਰ ਕਮਾਂਡਿੰਗ ਇਨ ਚੀਫ਼ ਦੇ ਅਧੀਨ ਹੈ ਭਾਰਤੀ ਸਮੁੰਦਰੀ ਫੌਜ ਦਾ ਪਹਿਲਾ ਸਿਖਲਾਈ ਬੇੜਾ ਕੋੱਚੀ ਵਿੱਚ ਹੈ। ਇਹ ਭਾਰਤੀ ਸਮੁੰਦਰੀ ਫੌਜ ਅਤੇ ਭਾਰਤੀ ਸਾਹਿਲ ਰੱਖਿਅਕ (ਇੰਡੀਅਨ ਕੋਸਟ ਗਾਰਡ) ਸਮੇਤ ਮਿੱਤਰ ਦੇਸ਼ਾਂ ਦੇ ਅਫਸਰ ਕੈਡੇਟਸ ਨੂੰ ਸਿਖਲਾਈ ਦਿੰਦਾ ਹੈ। ਸਿਖਲਾਈ ਦੇ ਕੋਰਸ ਵਿੱਚ ਸੀਮੈਨਸ਼ਿਪ, ਨੇਵੀਗੇਸ਼ਨ, ਸ਼ਿੱਪ-ਹੈਡਲਿੰਗ, ਬੋਟ-ਵਰਕ ਅਤੇ ਇੰਜੀਨੀਅਰਿੰਗ ਦੀ ਸਿਖਲਾਈ ਸ਼ਾਮਲ ਹੈ, ਜੋ ਆਈਐੱਨਐੱਸ ਤਰੰਗਿਣੀ ਅਤੇ ਆਈਐੱਨਐੱਸ ਸੁਦਰਸ਼ਨੀ ‘ਤੇ ਹੁੰਦਾ ਹੈ।
ਇੱਕ ਸਰਕਾਰੀ ਪ੍ਰੈੱਸ ਰਿਲੀਜ਼ ਦੇ ਮੁਤਾਬਿਕ ਆਪਣੇ ਦੌਰ ਦੇ ਪਹਿਲੇ ਸਿਖਲਾਈ ਬੇੜੇ ਦੇ ਸੀਨੀਅਰ ਅਧਿਕਾਰੀ, ਤੰਜਾਨੀਆ ਸਰਕਾਰ ਅਤੇ ਤੰਜਾਨੀਆ ਜਨ-ਸੁਰੱਖਿਆ ਬੱਲਾਂ ਦੇ ਅਫਸਰ ਅਤੇ ਵੱਖੋ ਵੱਖਰੇ ਪਤਵੰਤਿਆਂ ਨਾਲ ਮੁਲਾਕਾਤ ਕਰਨਗੇ। ਸਹਿਯੋਗ ਵਧਾਉਣ ਲਈ ਤੰਜਾਨੀਆ ਜਨ-ਸੁਰੱਖਿਆ ਬੱਲਾਂ ਦੇ ਨਾਲ ਗੱਲਬਾਤ ਦੀ ਯੋਜਨਾ ਵੀ ਹੈ।
ਤੰਜਾਨੀਆ ਅਤੇ ਭਾਰਤ ਵਿਚਾਲੇ ਰਵਾਇਤੀ ਗੂੜੇ ਅਤੇ ਦੋਸਤਾਨਾ ਰਿਸ਼ਤੇ ਹਨ ਅਤੇ ਦੋਵੇਂ ਦੇਸ਼ ਲੋਕਰਾਜ ਅਤੇ ਵਿਕਾਸ ਸਾਂਝੇ ਮੁੱਲਾਂ ‘ਤੇ ਸਹਿਯੋਗ ਕਰਦੇ ਹਨ। ਦੋਵਾਂ ਦੇਸ਼ਾਂ ਦੇ ਵਿਚਕਾਰ ਨਿਯਮਤ ਤੌਰ ‘ਤੇ ਉੱਚ ਪੱਧਰੀ ਅਦਾਨ-ਪ੍ਰਦਾਨ ਅਤੇ ਗੱਲਬਾਤ ਹੁੰਦੀ ਰਹਿੰਦੀ ਹੈ। ਭਾਰਤੀ ਸਮੁੰਦਰੀ ਫੌਜ ਦੇ ਬੇੜੇ ਮਿੱਤਰ ਦੇਸ਼ਾਂ ਦੇ ਨਾਲ ਨਿਯਮਤ ਤੌਰ ‘ਤੇ ਅਜਿਹੀਆਂ ਫੇਰੀਆਂ ਕਰਦੇ ਹੀ ਰਹਿੰਦੇ ਹਨ। ਜਿਨ੍ਹਾਂ ਦਾ ਮਕਸਦ ਕੌਮਾਂਤਰੀ ਸਹਿਯੋਗ ਮਜਬੂਤ ਕਰਨਾ ਹੈ।
