ਕਸ਼ਮੀਰ ਦੀ ਬੇਟੀ ਤੋਂ ਉੱਤਰਾਖੰਡ ਦੀ ਨੂੰਹ ਬਣੀ ਨੀਤਿਕਾ ਕੌਲ ਢੌਂਡਿਆਲ ਦੀ ਵਰਦੀ ‘ਤੇ ਜਦੋਂ ਭਾਰਤੀ ਫੌਜ ਦੇ ਉੱਤਰੀ ਕਮਾਂਡ ਦੇ ਕਮਾਂਡਰ ਲੈਫਟੀਨੈਂਟ ਜਨਰਲ ਵਾਈ ਕੇ ਜੋਸ਼ੀ ਨੇ ਤਾਰੇ ਲਾਏ, ਜਿਵੇਂ ਦੀ ਵਰਦੀ ਨੀਤਿਕਾ ਦੇ ਪਤੀ ਸ਼ਹੀਦ ਮੇਜਰ ਵਿਭੂਤੀ ਸ਼ੰਕਰ ਢੌਂਡਿਆਲ ਪਹਿਨਿਆ ਕਰਦੇ ਸਨ ਤਾਂ ਭਾਵਨਾਤਮਕ ਪਲ ਕਿਸੇ ਲਈ ਵੀ ਅੱਖਾਂ ਵਿੱਚ ਨਮੀ ਪਰ ਫਖ਼ਰ ਦੀ ਭਾਵਨਾ ਲੈ ਕੇ ਆਏ। ਨੀਤਿਕਾ ਦੇ ਪਤੀ ਮੇਜਰ ਢੌਂਡਿਆਲ ਨੇ ਮੇਜਰ ਢੌਂਡਿਆਲ ਨੇ ਦੇਸ਼ ਦੇ ਦੁਸ਼ਮਣ ਘੁਸਪੈਠੀਆਂ ਵਿਰੁੱਧ ਲੜਨ ਤੋਂ ਸਿਰਫ 27 ਮਹੀਨੇ ਪਹਿਲਾਂ ਹੀ ਕਸ਼ਮੀਰ ਦੇ ਪੁਲਵਾਮਾ ਵਿੱਚ ਆਪਣੀ ਜਾਨ ਗੁਆ ਦਿੱਤੀ।
ਕੋਵਿਡ 19 ਪ੍ਰੋਟੋਕੋਲ ਨਿਯਮਾਂ ਵਿਚਾਲੇ 29 ਮਈ 2021 ਨੂੰ ਚੇੱਨਈ ਵਿਖੇ ਆਫਿਸਰਜ਼ ਟ੍ਰੇਨਿੰਗ ਅਕੈਡਮੀ (ਓ.ਟੀ.ਏ.) ਵਿਖੇ ਇੱਕ ਸੰਖੇਪ ਅਤੇ ਸਧਾਰਨ ਸਮਾਗਮ ਵਿੱਚ ਲੈਫਟੀਨੈਂਟ ਜਨਰਲ ਜੋਸ਼ੀ ਨੇ ਨੀਤੀਕਾ ਨੂੰ ਲੈਫਟੀਨੈਂਟ ਦੇ ਸਿਤਾਰੇ ਲਾਉਂਦੇ ਹੋਏ ਇੱਕ ਸ਼ਾਨਦਾਰ ਫੌਜੀ ਭਵਿੱਖ ਦੀ ਕਾਮਨਾ ਕੀਤੀ। 2019 ਦੀਆਂ ਉਨ੍ਹਾਂ ਸਰਦੀਆਂ ਵਿੱਚ ਜਦੋਂ ਉਸ ਦੇ ਪਤੀ ਮੇਜਰ ਵਿਭੂਤੀ ਸ਼ੰਕਰ ਢੌਂਡਿਆਲ ਨੂੰ ਪੁਲਵਾਮਾ ਵਿੱਚ ਸ਼ਹੀਦ ਕੀਤੇ ਜਾਣ ਦੀ ਖ਼ਬਰ ਮਿਲੀ ਸੀ, ਤਾਂ ਉਨ੍ਹਾਂ ਦੇ ਵਿਆਹ ਨੂੰ ਸਿਰਫ 9 ਮਹੀਨੇ ਹੀ ਹੋਏ ਸਨ। ਉਸ ਸਮੇਂ ਨੀਤਿਕਾ 27 ਸਾਲਾਂ ਦੀ ਸੀ। ਮੇਜਰ ਢੌਂਡਿਆਲ ਨੂੰ ਆਪਣੀ ਜਾਨ ਦੀ ਪਰਵਾਹ ਕੀਤੇ ਬਿਨਾਂ ਅੱਤਵਾਦੀਆਂ ਨਾਲ ਲੜਨ ਅਤੇ ਹਿੰਮਤ ਅਤੇ ਬਹਾਦਰੀ ਦਰਸਾਉਣ ਲਈ ਸ਼ੌਰਿਆ ਚੱਕਰ (ਮਰਨ ਉਪਰੰਤ) ਨਾਲ ਸਨਮਾਨਿਤ ਕੀਤਾ ਗਿਆ ਸੀ।
ਉਹ ਤਰੀਕ ਸੀ 18 ਫਰਵਰੀ 2019, ਜਦੋਂ ਜੈਸ਼-ਏ-ਮੁਹੰਮਦ ਦੇ ਖਤਰਨਾਕ ਅੱਤਵਾਦੀਆਂ ਵਿਰੁੱਧ ਲੜਾਈ ਵਿੱਚ ਪੰਜ ਭਾਰਤੀ ਸੁਰੱਖਿਆ ਬਲਾਂ ਦੇ ਜਵਾਨ ਸ਼ਹੀਦ ਹੋ ਗਏ ਸਨ। ਮੇਜਰ ਢੌਂਡਿਆਲ ਵੀ ਉਨ੍ਹਾਂ ਵਿੱਚੋਂ ਸੀ। ਇਹ ਮੰਨਿਆ ਜਾਂਦਾ ਹੈ ਕਿ ਜੈਸ਼-ਏ-ਮੁਹੰਮਦ ਦੇ ਦੋ ਚੋਟੀ ਦੇ ਕਮਾਂਡਰ ਵੀ ਇਸ ਮੁਕਾਬਲੇ ਵਿੱਚ ਮਾਰੇ ਗਏ ਸਨ, ਜਿਨ੍ਹਾਂ ਦਾ 4 ਦਿਨ ਪਹਿਲਾਂ ਪੁਲਵਾਮਾ ਵਿੱਚ ਸੀਆਰਪੀਐੱਫ ਦੇ ਜਵਾਨਾਂ ਦੀ ਬੱਸ ਉੱਤੇ ਹੋਏ ਹਮਲੇ ਵਿੱਚ ਹੱਥ ਸੀ। ਇਹ ਆਤਮਘਾਤੀ ਹਮਲਾ ਪਿਛਲੇ ਸਾਲ ਕਸ਼ਮੀਰ ਵਿੱਚ ਅੱਤਵਾਦੀ ਘਟਨਾਵਾਂ ਵਿੱਚ ਸਭ ਤੋਂ ਭਿਆਨਕ ਸੀ। ਇਸ ਹਮਲੇ ਵਿਚ ਸੀਆਰਪੀਐੱਫ ਦੇ 40 ਜਵਾਨ ਮਾਰੇ ਗਏ ਸਨ।
ਆਪਣੇ ਪਤੀ ਮੇਜਰ ਵਿਭੂਤੀ ਸ਼ੰਕਰ ਤੋਂ ਪ੍ਰੇਰਿਤ ਅਤੇ ਦੇਸ਼ ਭਗਤੀ ਦੀ ਭਾਵਨਾ ਤੋਂ ਪ੍ਰੇਰਿਤ ਨੀਤਿਕਾ ਕੌਲ ਢੌਂਡਿਆਲ ਨੇ ਸੈਨਾ ਵਿੱਚ ਭਰਤੀ ਹੋਣ ਦਾ ਫ਼ੈਸਲਾ ਕੀਤਾ ਅਤੇ ਇਸ ਲਈ ਛੋਟੇ ਸੇਵਾ ਕਮਿਸ਼ਨ ਦਾ ਰਾਹ ਚੁਣਿਆ। ਪ੍ਰੀਖਿਆਵਾਂ ਅਤੇ ਇੰਟਰਵਿਊ ਪਾਸ ਕਰਨ ਇੱਕ ਸਾਲ ਦੀ ਸਖ਼ਤ ਸਿਖਲਾਈ ਤੋਂ ਬਾਅਦ ਨੀਤਿਕਾ ਕੌਲ ਢੌਂਡਿਆਲ ਊਧਮਪੁਰ ਦੇ ਉੱਤਰੀ ਕਮਾਂਡ ਦੇ ਹੈੱਡਕੁਆਟਰ ਵਿੱਚ ਲੈਫਟੀਨੈਂਟ ਵਜੋਂ ਫੌਜ ਵਿਚ ਭਰਤੀ ਹੋਈ।
