ਹੁਣ ਭਾਰਤੀ ਫੌਜ ਦੇ ਜਵਾਨ ਚੀਨੀ ਫੌਜੀਆਂ ਨੂੰ ਚੀਨੀ ਭਾਸ਼ਾ ‘ਚ ਜਵਾਬ ਦੇਣਗੇ। ਭਾਰਤੀ ਫੌਜ ਨੇ ਬੁੱਧਵਾਰ ਨੂੰ ਅਸਾਮ ਦੀ ਤੇਜ਼ਪੁਰ ਯੂਨੀਵਰਸਿਟੀ ਨਾਲ ਆਪਣੇ ਸੈਨਿਕਾਂ ਨੂੰ ਚੀਨੀ ਭਾਸ਼ਾ ਸਿਖਾਉਣ ਲਈ ਇੱਕ ਸਮਝੌਤੇ ‘ਤੇ ਹਸਤਾਖ਼ਰ ਕੀਤੇ ਹਨ। ਇਸ ਦੌਰਾਨ ਭਾਰਤੀ ਫੌਜ ਅਤੇ ਤੇਜਪੁਰ ਯੂਨੀਵਰਸਿਟੀ ਦੇ ਅਧਿਕਾਰੀ ਮੌਜੂਦ ਸਨ ਜਿਨ੍ਹਾਂ ਨੇ ਸਮਝੌਤਾ ਪੱਤਰ (ਮੋਊ-ਮਊ) ‘ਤੇ ਦਸਤਖ਼ਤ ਕੀਤੇ।
ਭਾਰਤੀ ਫੌਜ ਦੇ ਬੁਲਾਰੇ ਲੈਫਟੀਨੈਂਟ ਕਰਨਲ ਮਹਿੰਦਰ ਰਾਵਤ ਨੇ ਦੱਸਿਆ ਕਿ ਇਸ ਸਮਝੌਤੇ ਦੇ ਮੁਤਾਬਿਕ ਤੇਜ਼ਪੁਰ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਚੀਨੀ ਭਾਸ਼ਾ ਦੀ ਸਿਖਲਾਈ ਦੇਣਗੇ। ਇਸ ਸਿਖਲਾਈ ਕੋਰਸ ਦੀ ਮਿਆਦ 16 ਹਫ਼ਤੇ ਯਾਨੀ ਲਗਭਗ ਚਾਰ ਮਹੀਨੇ ਹੋਵੇਗੀ। ਸਹਿਮਤੀ ਪੱਤਰ ‘ਤੇ ਭਾਰਤੀ ਫੌਜ ਦੀ ਤਰਫੋਂ 4 ਕੋਰ, ਗਜਰਾਜ ਕੋਰ ਦੁਆਰਾ ਦਸਤਖ਼0ਤ ਕੀਤੇ ਗਏ ਜਦਕਿ ਤੇਜ਼ਪੁਰ ਯੂਨੀਵਰਸਿਟੀ ਵੱਲੋਂ ਰਜਿਸਟ੍ਰਾਰ ਨੇ ਦਸਤਖ਼ਤ ਕੀਤੇ। ਐੱਮਓਯੂ ਦਸਤਖ਼ਤ ਪ੍ਰੋਗਰਾਮ ਵਿੱਚ ਤੇਜ਼ਪੁਰ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਪ੍ਰੋਫੈਸਰ ਐੱਸਐੱਨ ਸਿੰਘ ਵੀ ਮੌਜੂਦ ਸਨ।
1994 ਵਿੱਚ ਸਥਾਪਿਤ ਤੇਜ਼ਪੁਰ ਯੂਨੀਵਰਸਿਟੀ ਉੱਚ ਯੋਗਤਾ ਪ੍ਰਾਪਤ ਫੈਕਲਟੀ ਦੇ ਨਾਲ ਚੀਨੀ ਸਮੇਤ ਵਿਦੇਸ਼ੀ ਭਾਸ਼ਾਵਾਂ ਨੂੰ ਪੜ੍ਹਾਉਣ ਦਾ ਕੰਮ ਕਰ ਰਹੀ ਹੈ। ਚੀਨੀ ਭਾਸ਼ਾ ਦੇ ਇਸ ਕੋਰਸ ਤੋਂ ਉਮੀਦ ਕੀਤੀ ਜਾਂਦੀ ਹੈ ਕਿ ਉਹ ਅੰਦਰੂਨੀ ਮੈਂਡਰਿਨ ਮੁਹਾਰਤ ਵਿੱਚ ਸੁਧਾਰ ਕਰੇਗਾ ਅਤੇ ਸਥਿਤੀ ਦੀ ਮੰਗ ਅਨੁਸਾਰ ਚੀਨੀ ਫੌਜੀ ਮੁਲਾਜ਼ਮਾਂ ਨਾਲ ਗੱਲਬਾਤ ਕਰਨ ਲਈ ਫੌਜ ਦੇ ਜਵਾਨਾਂ-ਅਫ਼ਸਰਾਂ ਨੂੰ ਸ਼ਕਤੀ ਪ੍ਰਦਾਨ ਕਰੇਗਾ।
ਇਸ ਦੇ ਤਹਿਤ ਚੀਨੀ ਭਾਸ਼ਾ ਦੇ ਬਿਹਤਰ ਹੁਨਰ ਦੇ ਨਾਲ ਫੌਜ ਦੇ ਜਵਾਨਾਂ ਨੂੰ ਆਪਣੇ ਨੁਕਤਿਆਂ ਨੂੰ ਹੋਰ ਮਜਬੂਤ ਢੰਗ ਨਾਲ ਪ੍ਰਗਟ ਕਰਨ ਲਈ ਬਿਹਤਰ ਸਿਖਲਾਈ ਦਿੱਤੀ ਜਾਵੇਗੀ। ਇਹ ਕਮਾਂਡਰ ਪੱਧਰ ਦੀ ਗੱਲਬਾਤ, ਫਲੈਗ ਮੀਟਿੰਗਾਂ, ਸੰਯੁਕਤ ਅਭਿਆਸਾਂ ਅਤੇ ਸਰਹੱਦੀ ਜਵਾਨਾਂ ਦੀਆਂ ਮੀਟਿੰਗਾਂ ਆਦਿ ਵਰਗੀਆਂ ਵੱਖ-ਵੱਖ ਗੱਲਬਾਤ ਦੌਰਾਨ ਚੀਨੀ ਪੀਐੱਲਏ ਦੀਆਂ ਗਤੀਵਿਧੀਆਂ ਬਾਰੇ ਵਿਚਾਰਾਂ ਦੇ ਬਿਹਤਰ ਅਦਾਨ-ਪ੍ਰਦਾਨ ਅਤੇ ਸਮਝ ਵਿੱਚ ਵੀ ਮਦਦ ਕਰੇਗਾ।
