ਭਾਰਤ ਨੇ ਆਪਣੀ ਫੌਜੀ ਤਾਕਤ ਵਧਾਉਣ ਲਈ ਇੱਕ ਹੋਰ ਮਹੱਤਵਪੂਰਨ ਕਦਮ ਚੁੱਕਦਿਆਂ ਸਮੁੰਦਰ ਵਿੱਚ 3500 ਕਿੱਲੋਮੀਟਰ ਦੀ ਦੂਰੀ ‘ਤੇ ਪਣਡੁੱਬੀ ਨਾਲ ਪਰਮਾਣੂ ਸਮਰੱਥਾ ਵਾਲੀ ਕੇ-4 ਮਿਜ਼ਾਈਲ ਦਾ ਸਫਲਤਾਪੂਰਵਕ ਪ੍ਰੀਖਣ ਕੀਤਾ ਹੈ। ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ (ਡੀਆਰਡੀਓ) ਵੱਲੋਂ ਬਣਾਈ ਗਈ ਇਹ ਮਿਜ਼ਾਈਲ ਅਰਿਹੰਤ ਕਲਾਸ ਪਣਡੁੱਬੀ ‘ਤੇ ਲਗਾਈ ਜਾ ਰਹੀ ਹੈ।
ਮਿਜ਼ਾਈਲ ਦਾ ਪ੍ਰੀਖਣ ਐਤਵਾਰ ਦੁਪਹਿਰ ਨੂੰ ਆਂਧਰਾ ਪ੍ਰਦੇਸ਼ ਦੇ ਤੱਟ ‘ਤੇ ਇੱਕ ਅੰਡਰ ਵਾਟਰ ਪਲੇਟਫਾਰਮ ਤੋਂ ਕੀਤਾ ਗਿਆ ਸੀ। ਅਰਿਹੰਤ ਪਣਡੁੱਬੀ ‘ਤੇ ਇਸ ਮਿਜ਼ਾਈਲ ਨੂੰ ਲਗਾਉਣ ਤੋਂ ਪਹਿਲਾਂ, ਕੁਝ ਹੋਰ ਟੈਸਟ ਕੀਤੇ ਜਾਣ ਦੀ ਉਮੀਦ ਹੈ। ਮੌਜੂਦਾ ਸਮੇਂ ਦੌਰਾਨ, ਭਾਰਤੀ ਜਲ ਸੈਨਾ ਕੋਲ ਪ੍ਰਮਾਣੂ ਸਮਰੱਥਾ ਵਾਲੀ ਸਿਰਫ ਇੱਕ ਅਰਿਹੰਤ ਪਣਡੁੱਬੀ ਹੈ।
ਕੇ -4 ਭਾਰਤੀ ਪਣਡੁੱਬੀ ਫੋਰਸ ਲਈ ਭਾਰਤ ਵਿੱਚ ਵਿਕਸਤ ਕੀਤੀਆਂ ਗਈਆਂ ਦੋ ਮਿਜ਼ਾਈਲਾਂ ਵਿੱਚੋਂ ਇੱਕ ਹੈ। ਦੂਜੀ ਮਿਜ਼ਾਈਲ ਬੀਓ -5 ਹੈ, ਜਿਸ ਵਿੱਚ 700 ਕਿੱਲੋਮੀਟਰ ਤੱਕ ਮਾਰ ਦੀ ਸਮਰੱਥਾ ਹੈ।
