ਰੱਖਿਆ ਮੰਤਰਾਲੇ ਦਾ ਰੀਸੈਟਲਮੈਂਟ ਡਾਇਰੈਕਟੋਰੇਟ ਜਨਰਲ 21 ਜੂਨ, 2024 ਨੂੰ ਗਾਜ਼ੀਆਬਾਦ, ਉੱਤਰ ਪ੍ਰਦੇਸ਼ ਵਿੱਚ ਸਾਬਕਾ ਸੈਨਿਕ ਰੁਜ਼ਗਾਰ ਮੇਲਾ ਕਰਵਾ ਰਿਹਾ ਹੈ। ਮੇਲਾ ਹਿੰਡਨ ਏਅਰ ਫੋਰਸ ਸਟੇਸ਼ਨ ਦੇ ਆਡੀਟੋਰੀਅਮ ਵਿੱਚ ਕਰਵਾਇਆ ਜਾਏਗਾ। ਇਸ ਦਾ ਉਦੇਸ਼ ਸਾਬਕਾ ਸੈਨਿਕਾਂ ਅਤੇ ਇੱਛੁਕਾਂ ਨੂੰ ਜੋੜਨਾ ਹੈ, ਤਾਂ ਜੋ ਸਾਬਕਾ ਸੈਨਿਕਾਂ ਨੂੰ ਰੁਜ਼ਗਾਰ ਦਾ ਦੂਜਾ ਮੌਕਾ ਮਿਲ ਸਕੇ।
ਰੱਖਿਆ ਮੰਤਰਾਲੇ ਦੀ ਪ੍ਰੈੱਸ ਰਿਲੀਜ਼ ਅਨੁਸਾਰ ਦੇਸ਼ ਭਰ ਤੋਂ ਤਿੰਨਾਂ ਸੇਵਾਵਾਂ ਦੇ ਸਾਬਕਾ ਸੈਨਿਕ ਇਸ ਰੁਜ਼ਗਾਰ ਮੇਲੇ ਵਿੱਚ ਹਿੱਸਾ ਲੈ ਸਕਦੇ ਹਨ। ਐਕਸ-ਸਰਵਿਸਮੈਨ ਰੁਜ਼ਗਾਰ ਮੇਲੇ ਵਿੱਚ ਲਗਭਗ 40 ਕਾਰਪੋਰੇਟ ਕੰਪਨੀਆਂ ਦੇ ਭਾਗ ਲੈਣ ਦੀ ਉਮੀਦ ਹੈ। ਇਹ ਕੰਪਨੀਆਂ ਸਾਬਕਾ ਸੈਨਿਕਾਂ ਨੂੰ ਵੱਖ-ਵੱਖ ਤਰ੍ਹਾਂ ਦੀਆਂ ਨੌਕਰੀਆਂ ਦੇਣਗੀਆਂ ਜਿਵੇਂ ਕਿ ਫੀਲਡ ਵਿੱਚ ਜਾਣਾ, ਦਫ਼ਤਰੀ ਕੰਮ ਜਾਂ ਪ੍ਰਸ਼ਾਸਨਿਕ ਕੰਮ, ਇਮਾਰਤਾਂ ਦੀ ਸੁਰੱਖਿਆ ਆਦਿ।
ਡੀਜੀਸੀਆਰ ਵੱਲੋਂ ਐਲਾਨੇ ਪ੍ਰੋਗਰਾਮ ਅਨੁਸਾਰ ਰੁਜ਼ਗਾਰ ਮੇਲੇ ਵਾਲੀ ਥਾਂ ‘ਤੇ ਸਵੇਰੇ 7 ਵਜੇ ਤੋਂ ਸਵੇਰੇ 10 ਵਜੇ ਤੱਕ ਰਜਿਸਟ੍ਰੇਸ਼ਨ ਹੋਵੇਗੀ। ਇਸ ਦੇ ਲਈ ਸਾਬਕਾ ਸੈਨਿਕਾਂ ਨੂੰ ਫੋਟੋ ਸਮੇਤ ਆਪਣੇ ਪਛਾਣ ਪੱਤਰ ਦੀਆਂ ਪੰਜ ਕਾਪੀਆਂ ਅਤੇ ਮੌਜੂਦਾ ਬਾਇਓ-ਡਾਟਾ ਲਿਆਉਣਾ ਹੋਵੇਗਾ।
ਸਾਬਕਾ ਫੌਜੀ ਵਧੇਰੇ ਜਾਣਕਾਰੀ ਲਈ ਪੁੱਛਗਿੱਛ ਅਤੇ ਸਹਾਇਤਾ ਲਈ ਵਾਰੰਟ ਅਫਸਰ ਐੱਸ.ਕੇ. ਸਿੰਘ ਨਾਲ 9311720898 ‘ਤੇ ਅਤੇ ਜੂਨੀਅਰ ਵਾਰੰਟ ਅਫ਼ਸਰ ਯੂ.ਸੀ.ਮੋਹੰਤਾ ਨਾਲ 7030595754 ‘ਤੇ ਸੰਪਰਕ ਕਰ ਸਕਦੇ ਹਨ।
