ਭਾਰਤੀ ਹਵਾਈ ਫੌਜ ਦਾ ਦੋ ਸੀਟਾਂ ਵਾਲਾ ਮਿਰਾਜ-2000 ਜੰਗੀ ਜਹਾਜ਼ ਮੱਧ ਪ੍ਰਦੇਸ਼ ਦੇ ਸ਼ਿਵਪੁਰੀ ਨੇੜੇ ਹਾਦਸਾਗ੍ਰਸਤ ਹੋ ਗਿਆ। ਇਹ ਜਹਾਜ਼ ਰੈਗੁਲਰ ਸਿਖਲਾਈ ਉਡਾਣ ‘ਤੇ ਸੀ। ਅਧਿਕਾਰੀਆਂ ਨੇ ਕਿਹਾ ਕਿ ਦੋਵੇਂ ਪਾਇਲਟ ਸੁਰੱਖਿਅਤ ਹਨ ਅਤੇ ਹਾਦਸੇ ਦੇ ਕਾਰਨਾਂ ਦਾ ਪਤਾ ਲਗਾਉਣ ਲਈ ਜਾਂਚ ਦੇ ਹੁਕਮ ਦੇ ਦਿੱਤੇ ਗਏ ਹਨ।
ਭਾਰਤੀ ਹਵਾਈ ਫੌਜ ਨੇ X ‘ਤੇ ਇੱਕ ਪੋਸਟ ਵਿੱਚ ਕਿਹਾ, “ਇੱਕ ਰੁਟੀਨ ਸਿਖਲਾਈ ਉਡਾਣ ਦੌਰਾਨ ਇੱਕ ਏਅਰ ਫੋਰਸ ਮਿਰਾਜ 2000 ਜਹਾਜ਼ ਸ਼ਿਵਪੁਰੀ (ਗਵਾਲੀਅਰ) ਦੇ ਨੇੜੇ ਹਾਦਸਾਗ੍ਰਸਤ ਹੋ ਗਿਆ। ਸਿਸਟਮ ਵਿੱਚ ਖਰਾਬੀ ਆਉਣ ਤੋਂ ਬਾਅਦ ਦੋਵੇਂ ਪਾਇਲਟ ਸੁਰੱਖਿਅਤ ਬਾਹਰ ਨਿਕਲ ਗਏ। ਹਵਾਈ ਫੌਜ ਨੇ ਹਾਦਸੇ ਦੇ ਕਾਰਨਾਂ ਦਾ ਪਤਾ ਲਗਾਉਣ ਲਈ ਜਾਂਚ ਦੇ ਹੁਕਮ ਦਿੱਤੇ ਹਨ। ਹਵਾਈ ਫੌਜ ਨੇ X ‘ਤੇ ਇੱਕ ਪੋਸਟ ਵਿੱਚ ਕਿਹਾ, “ਇੱਕ ਰੁਟੀਨ ਸਿਖਲਾਈ ਉਡਾਣ ਦੌਰਾਨ ਇੱਕ ਏਅਰ ਫੋਰਸ ਮਿਰਾਜ 2000 ਜਹਾਜ਼ ਸ਼ਿਵਪੁਰੀ (ਗਵਾਲੀਅਰ) ਦੇ ਨੇੜੇ ਹਾਦਸਾਗ੍ਰਸਤ ਹੋ ਗਿਆ।” ਸਿਸਟਮ ਵਿੱਚ ਖਰਾਬੀ ਆਉਣ ਤੋਂ ਬਾਅਦ ਦੋਵੇਂ ਪਾਇਲਟ ਸੁਰੱਖਿਅਤ ਬਾਹਰ ਨਿਕਲ ਗਏ। ਹਵਾਈ ਫੌਜ ਨੇ ਹਾਦਸੇ ਦੇ ਕਾਰਨਾਂ ਦਾ ਪਤਾ ਲਗਾਉਣ ਲਈ ਜਾਂਚ ਦੇ ਹੁਕਮ ਦੇ ਦਿੱਤੇ ਹਨ।”
ਮਿਰਾਜ ਜੰਗੀ ਜਹਾਜ਼:
ਫ੍ਰਾਂਸ ਦੀ ਦਸੌਲਟ ਏਵੀਏਸ਼ਨ ਦੇ ਬਣੇ ਜੰਗੀ ਜਹਾਜ਼ ਮਿਰਾਜ-2000 ਨੇ ਪਹਿਲੀ ਵਾਰ 1978 ਵਿੱਚ ਉਡਾਣ ਭਰੀ ਸੀ। ਇਸਨੂੰ 1984 ਵਿੱਚ ਫ੍ਰਾਂਸੀਸੀ ਹਵਾਈ ਫੌਜ ਵਿੱਚ ਸ਼ਾਮਲ ਕੀਤਾ ਗਿਆ ਸੀ। ਡਸਾਲਟ ਆਪਣੀ ਵੈੱਬਸਾਈਟ ‘ਤੇ ਕਹਿੰਦਾ ਹੈ ਕਿ ਕੁੱਲ 600 ਮਿਰਾਜ-2000 ਤਿਆਰ ਕੀਤੇ ਗਏ ਸਨ। ਇਨ੍ਹਾਂ ਵਿੱਚੋਂ 50 ਪ੍ਰਤੀਸ਼ਤ ਭਾਰਤ ਸਮੇਤ ਅੱਠ ਦੇਸ਼ਾਂ ਨੂੰ ਬਰਾਮਦ ਕੀਤੇ ਗਏ ਸਨ।
ਮਿਰਾਜ-2000 ਦਾ ਇੱਕ ਸਿੰਗਲ-ਸੀਟਰ ਵਰਜਨ ਵੀ ਹੈ। ਭਾਰਤੀ ਹਵਾਈ ਫੌਜ ਨੇ ਕਾਰਗਿਲ ਜੰਗ ਦੌਰਾਨ ਮਿਰਾਜ-2000 ਦੀ ਸਫਲਤਾ ਦੇਖੀ। ਉਸ ਜੰਗ ਦੌਰਾਨ ਮਿਰਾਜ-2000 ਨੇ ਅੱਤਵਾਦੀਆਂ ਅਤੇ ਪਾਕਿਸਤਾਨੀ ਫੌਜ ਦੇ ਕਬਜ਼ੇ ਵਾਲੇ ਪਹਾੜੀ ਇਲਾਕਿਆਂ ‘ਤੇ ਬਹੁਤ ਸਟੀਕਤਾ ਨਾਲ ਲੇਜ਼ਰ-ਗਾਈਡੇਡ ਬੰਬ ਸੁੱਟੇ ਸਨ।
